गीतगोविन्दसंस्कृतसङ्घः

Gallery

Photos
Audios
Videos
Articles


Articles

सेल्-षट्पदी


                 लकारान्तो भवेत् सेल् वै त्रिलिङ्गे उपयुज्यते । सेल्-ब्रह्म यो विजानाति स गच्छति परं पदम् ॥१॥
                 अकारान्तो युज्यते चेत् प्रष्टव्यो पाणिनिर्महान् । सेल्लं सर्वे जना भक्त्या लालयन्ति करे गृहे ॥२॥
                 ऐडिया ऐडियां कृत्वा प्राप्तव्या भूतिमिच्छता । ऐडियां प्राप्य प्रेमी तु सम्पर्कयति प्रेमिणीम् ॥३॥
                 कृष्णवर्णा ब्लाक्बेरी च कृष्णभक्तियुता ननु । कृष्णवत् षोडशस्त्रीसहस्रेशं करोत्यहो ॥४॥
                 हाहाहूहूमुखैः स्तुत्या पोषिता हच् मुहुर्मुहुः । हास्यसम्भाषणार्थं वै धार्यते हास्यसेविभिः ॥५॥
                 सोनी सोमादिदेवैश्च पूजिता भक्तिभावतः । सोमयागफलं दद्यात् सोमपानफलं तथा ॥६॥
                 सेल्-षट्कं शुभदं पुण्यं प्रातः सायं पठेन्नरः । सुसेल्-लोकमवाप्नोति सेल्-देव्याश्च प्रसादतः ॥७॥
                 एकवारं पठेन्नित्यं करेन्सीफलमाप्नुयात् । द्विवारं यः पठेन्नित्यं इन्कमिङ्ग् काल् सुखप्रदम् ॥८॥
                 त्रिवारं यः पठेन्नित्यं न चोरभयमाप्नुयात् । सेल्-देवी च भवेन्नित्यं प्रसन्ना वरदा शुभा ॥९॥
॥ इति सेल्-षट्पदी सम्पूर्णा ॥

                                                                                         श्रीमती अनन्तलक्ष्मी नटराजन्



Designed by Vyoma Linguistic Labs Foundation    www.vyomalabs.in    For feedback, mail us at sanskritggss@gmail.com